أسعار الغاز الطبيعى العالمى والمصرإسرائيلى

السيد المهندس عبد الله غراب وزير بترول حكومة الثوره يقوم بمجهودات جباره "على حد قوله" لتعديل أسعار تصدير الغاز لإسرائيل ... تعجبنى تصريحاته القويه التى منها : "استمرار مفاوضات تعديل أسعار الغاز لإسرائيل.. ولا بديل عن اتفاق يرضى مصر"...

الغاز بتاعنا رجع يتصدر لإسرائيل تانى ... ؟؟؟؟

أنا مهندس بترول ... وبحب شغلى جدا الحمد لله ... تخيلوا من وأنا عندى 10 سنين وأنا بقول لما أكبر هشتغل مهندس بترول !!....ومن الحاجات اللى بتسعدنى جدا فى شغلى ... لما بنكتشف بير جديد ... لما بنشوف شعلة الفلير وهيا مصهلله كده بالليل ... ياسلاااااام ...

كلنا فى الميدان نبكى.......كل على طريقته..
منا من يهتف بأعلى صوته فى غضب ..
ومنا من تنهمر دموعه فرحا .. 
وأخرون يبكون حزنا ..

بكاؤنا زادنا قوه..
ولن نتنازل عن حريتنا مرة ثانيه

11 فبراير، الساعة 03:13 صباحاً‏  من ميدان التحرير·

Yes We Can

You can chain me, you can torture me, you can even destroy my body, but you will never imprison my mind. ~  Gandhi

هل نستحق الحياه الكريمه؟!

انقطعت صلتى بعد الثورة بالعديد من أقاربى وأصحابى ، والسبب؟!!.... 

بعد خطاب مبارك الأخير مباشرة تلقيت أكثر من خمس اتصالات تليفونية غير تقليدية فى يوم واحد ، مكالمات مكررة تأمرنى تارةً بالعوده لبيتى وأولادى والحفاظ على أكل عيشى بلهجة آمرة متحفزة ، وتارةً أخرى كانت باللين والمنطق لأعود ، والأهم لأقنع من معى فى الميدان بالعوده إلى منازلهم ، وتقريبا كانت تنتهى كل هذه المكالمات بنفس الإنفعالات والإتهامات بالغباء والتهور. مكالمات بدت مكررة بشكل ممنهج وملقن لدرجة تستدعى الضحك.

بطبعى منحاز للإنسان

من فى تاريخ البشريه عاش ظالما ومات مكرما ؟؟؟.. كل الطغاه ماتوا يحملون عارهم فوق ظهورهم .. هذه قاعدة العدالة فى الأرض .. الكل سواء فى حق الحياة .. الله من وهب .. وله وحده الحق فى أخذ هبته مرة أخرى ....يحكى لنا التاريخ : كيف أن الإنسان قادر على صنع الحضارات .. كما يحكى عن دماء كالأنهار سالت .. يحكى التاريخ عم جثث آدمية كُوِمَت ليُبنى فوق رفاتها أبراجَ الحرية والعدالة ..

How to Move On

How to Move On?

Just CTRL + ALT + DEL. 'Control' yourself, Look for an 'Alternative' solution & 'Delete' the situation that hurts you.

No matter who brings you down and makes your day bad. Remember that there's always someone in your life who makes it great, Not sad :)

 

ثورة الغضب على نغم عبد الحليم - فدائى
Anger days 25 Jan Egypt

فى ذكرى وفاة خالد سعيد

وقفوا للغولة فى عز قوتها.. وبصوا فى عينيها قدام بيتها.. وقالوا لها"عينك حمرا" ............ربنا يرحم خالد

06 يونيو‏ 2010 - القاهرة

ورطه خطيره

الشعب المصرى فى ورطه خطيره..وما يلى تلخيص لاسبابها من وجهة نظرى المتواضعه:-

- فتنه طائفيه تتنامى وتسيل لها الدماء كل يوم والتانى.

- إخوان وسلفيون ضد ليبراليين وعلمانيين وشيوعيين وووو... بقينا فرق وعشائر

- ناس بتقول الجيش والشعب إيد واحده..وناس بتلعن أم المجلس العسكرى الموقر.

- مدنيين بيتحاكمو أمام المحاكم العسكرية..وحراميه ومحرضين بيتحاكموا مدنى.

- ناس لسه بتقول اسفين ياريس : آه والله صحيح  .. فيه ناس لسه بتقول كده!!. وناس عايزينه يتعلق من لغاليغو هو وسوزى وجيمى.

- الشرطه والجيش بيقفوا يتفرجو على كل مصيبه والتانيه.. وبعد مالناس تخلص على بعضها .. يتدخلوا .. سياسه قديمة حقيرة لإذلال المصريين.

- الجيش بيقبض على النشطاء السياسيين وبيحاكم بثينه كامل بتهمة التحريض .. بالونة اختبار للناشطين .. والقادم شكله سوااااد.

- الإخوان عايزين الدنيا تمشى للإنتخابات ولو على جثث الابرياء طالما مش مالأهل والعشيرة .. تولع ما دامت مصلحتهم ماشيه .. وكله بالحب.

- السلفيين بيهتفوا إسلامية إسلامية .. وأختى اتخطفت .. ولا تعايش مع الاقباط .. منهج حياة .. والباقى فى نار جهنم طالما مش معانا فى الصفقة.

- الليبراليين ونخبة اليسار .. الكعب العالى .. المتعلمين فى بلاد بره .. ومش هننزل بمستوانا لباقى الشعب الجهله .. تويتر والفيسبوك هما الوطن وغيرهما عفن.

- مليونيات كومبو .. يعنى نطلع التحرير كل جمعه ، وهناك نقرر احنا جايين ليه!! "فلسطين - وحدة وطنية - ضد الطائفية - وفاء للجيش - دم الشهيد - آسفين يابن الكلب -  "آسفين مع فرنش فرايز وكانز لو تحب".

- دكاتره عاملين اعتصام .. ومسيحيين عايزين حقنا .. وسلفيين عايزين أختنا .. وليبراليين عايزين الشعب يتعلم تويتر .. وإخوان عايزين يحكموا .. والشرطه بتتدلل على البشر .. والجيش هيحكمنا عسكرى بالعافيه؟

حد يحب يزود حاجه؟؟؟

فى النهايه ... عروستى؟!!!...

اللى هيحل الفزوره هيحكم البلد .. أو هيدخل السجن؟


5 مايو، الساعة 07:12 مساءً‏ - القاهرة

Fighting to leave my fingerprint on earth, I'm just a visitor and I have a mission.

مواطن الفيسبوك Facebook Citizen

وطن الفيسبوك كان هو الاختيار الأفضل لشباب وجدوه طريقا يلوذون به بعيدا عن الأبواب العتيقه التى سدت فى وجوههم..وجدوا فيه ساحة للتعبير عن فرحهم وغضبهم حول ما يحدث حولهم..امتلكوا السلطه فى هذا الوطن بدون قيود أو تكليفات من أحد..وأقاموا لانفسهم دولة الديمقراطية والعدالة التى طالما حلموا بها...أصدروا قوانين وقرارات..قاموا باستفتاءات لا يشوبها تزوير أو تضليل..وكانت النتيجه فى صالح "نعم نحن نستطيع........".

ثورة الغضب

كلما قرأت فى تاريخ بلادى امتلأت فخرا بمصريتى


ولكن بعيدا عن التاريخ ، كنت دائما أشعر بالهوان والضعف والخوف من لا شىء واضح

من المستقبل ، بل ومن الحاضر الذى يخزينى شخصياً ، حيث لا رأى ، ولا صوت لى ، واضح !!